नारळाची वडी

Coconut Burfi in English 

वेळ:  

३० मिनिटे

साहित्य:

१)  ३ वाटया  ओंल  खोबरं  

२)  दीड  वाटी  साखर
३) ३ चमचे तूप 

४) १/४ चमचे वेलची पूड 

कृती :

ओला  नारळ  खवून  घ्यावा .  खावताना  नारळाचा काळपट  भाग घेऊ नये  नाहीतर वड्या  काळ्या  होतील . 

एका  भांडयात  तूप  गरम  करून त्यात खोबरं  भाजून  घ्यावे. 

२-३ मिनिटांनी  साखर घालून मंद  ग्यासवर सतत  ढवळत  राहावे . 

हळूहळू  साखर  वितळू  लागेल .  वेलची  पूड घालून  छान परतत  राहावे. 

हे  मिश्रण  घट्ट  होईस्तोवर  सतत  परतत  राहावे. भांडयाला  खाली  मिश्रण  चिकटणार 

नाही  याची  काळजी  घ्यावी . 

एका  ताटाच्या  खालच्या  बाजूला  तूप  लावून  वरील  मिश्रण  त्यावर  घालावे  व  लाटणीला  तूप  लावून  मिश्रण  पसरून  घ्यावे . 

थंड  झाल्यावर  छान  तुकडे  पाडून  घ्यावे .