गाजर वडी

CarrotBurfi in english

तयारीसाठी लागणारा वेळ : १५ मिनिटे 

बनवण्यासाठी लागणारा वेळ: १ तास  

२ व्यक्तींसाठी.

साहित्य:

१)  १/२ किलो गाजर 

२) साखर १ कप
३) १/२ लिटर दूध  

४) १ कप खवा 

५) ३ मोठे चमचे तूप  

६) १/४ छोटा चमचा वेलची पूड 

७) १/२ वाटी बदाम, काजू, मनुका 

८) पिस्ताचे काप 

कृती:

गाजर स्वच्छ धुवून घ्यावे.

साल काढून किसुन घ्यावी व बाजूला करून ठेवावे. 

जाड बुडाच्या भांडयात तूप गरम करावे व त्यात किसलेले गाजर घालून मंद गॅसवर 

ढवळावे.

साधारणतः १५-२० मिनिटांनी गजराचा रंग बदलू लागेल. 

लगेचच दूध घालून गॅस थोडा मोठा करावा व दूध पूर्ण आटेपर्यंत मध्ये मध्ये ढवळत राहावे.

दूध आटले की खवा व वेलची पूड  घालावी.

मिश्रण खाली  चिकटणार नाही याची काळजी घ्यावी.

दूध व खवा पूर्ण आटल की साखर घालावी.

मिश्रण घट्ट होवून गोळा होवू दयावा. 

बदाम, काजूचे काप व मनुका घालावे.

एका ट्रेला तूप लावून त्यावर हे मिश्रण छान पसरून घ्यावे व साधारण २ तास सेट होण्यासाठी ठेवावे.

तुकडे पडून त्यावर पिस्ताचे काप लावून सर्व्ह करा.